人人期望靚冧巴

 大頭蝦投資手記
smartinvestor167@hotmail.com
12/6/2018

 

 

大頭蝦身邊好多朋友熱愛炒股, 現在有很多炒股羣組, 通過不同媒體散播不同股票貼士, 當中不乏俊男美女, 有些甚至要求網友在買入股票後進行螢幕抓圖, 意圖可謂呼之欲出。不少人仕透過金魚缸搵食, 隨著網紅, KOL等出現, 大家搵食方法改變左。

大頭蝦係金融界亦打滾多年, 身邊很多朋友相信好冧巴推介, 結果如何大頭蝦唔了解, 但對於大頭蝦而言, 最穏陣及回報最高還是磚頭。大家可能會覺得$120萬炒細價股, 扑中左升10倍會已有$1,200萬, 但用來買磚頭升得慢, 每年可能升到10 % -15%已是不錯。當中有2個要點大家需要考慮, 炒細價股賺錢即係話莊家好有機會輸錢, 投資其中重要心法就係唔好以為自己醒過其他人, 唔好捨易取難, 從專業莊家身上賺錢唔容易, 股價由$1升到達$2, 之後跌到達$0.8, 再升到$1.5, 之後再跌到$0.6, 相信好多散戶都己經沽貨閃人。加上上市公司係可以增發股票, 所以一般投資者點會夠莊家玩。

第2個要點係炒細價股大家比較少用槓桿, 但買磚頭一般會向銀行借錢, 係現今世代, 各個國家都印炒票, 大家有好的投資機會, 利用好槓桿, 買銀行借平錢, 絶對值得考慮。當中尋找合適銀行, 追求合適貸款利率及貸款年期等都是一個學問。

大家要計算回報較準備是應該計算ROE(Return on Equity) 及 IRR(Internal rate of return). 如果簡單以Return on Equity 計算, 回報$240萬, 自有本金$120萬, 回報即$240萬/$120萬 = 200%, 但呢個計算方法缺點係没有將時間值計算當中, 因為回報240萬在2018年6月, 或2018年12月取得, ROE都係200%, 但對於投資者結果顯著不同。由於IRR把時計值也計算入內, 是相對較為準確的計算方法。


本網頁純屬網誌，一切言論純粹是個人意見。本人亦無法保證網誌內容的真確性和完整性。無論在任何情況下，不應被視為投資建議，也不應被成要約、招攬、邀請、誘使、建議或推薦。 讀者一切的投資決定以及該投資決定引致的收益或損失，概與本人無關。

筆者不是證監會持牌人士，不會提供亦不是提供任何投資意見。