創業板公司被斬倉

大頭蝦投資手記
smartinvestor167@hotmail.com
12/12/2018

 

繼上次功夫老闆及社團大佬老闆在金融市場上角力的消息外, 最近較為火熱的新聞為一間娛樂媒體公司老闆所持有的上市公司股份擬似被某華資證券行斬倉。

話說呢位老闆最近資金緊張, 被業主及供應商入稟要求旗下上市公司還錢交租同繳交相關費用, 觸發一間華資大行沽售其股票。公司出具公告, 旗下零售業務可能會進行未來計劃，但不限於重組、投資、清盤和出售。

還原財困之路, 呢間多媒體公司擁有零售業務, 及在香港開實體店, 租金同人工壓力沉重, 呢位老闆2017年底為擴張亞洲影視王國，和某大型中資機構簽訂投資協議, 發行1.5億元可換股債券及1.5億元票據, 集資共3億, 年利率達8厘，為期1年, 用上市公司證券作擔保。

呢口棺材釘可以話係十分致命, 3億元, 以8厘息計算, 即每年利息都要2,400萬元, 係目前商業環境, 做實業(除左地產)賺240萬元都唔容易, 更唔好話2,400萬元, 好大機會要靠金融市場發圍, 奈何市況唔就, 加埋中美貿易戰影響, 公司股價在10月接連下跌,公司用來做貸款抵押品變得唔值錢; 假設原來抵押品值4.5億元, 可以貸3億, 貸款比例67%, 如股價跌左90%, 即係抵押品只值4,500萬, 證劵行要求補差價2.7億元, 結局一係被金主要求call 孖展補差價或者斬倉, 看結果應該是後者居多。

金融世界只有利益, 無人情可言。押得股票俾人, 就預左人地有機會玩起你, 正等於問銀行借錢買樓, 銀行一跌有機會即刻CALL LOAN一樣道理, 分別在於銀行個個都係打工仔唔想咁麻煩, 但金主搵到錢係自己落袋, 就唔會怕麻煩。

本網頁純屬網誌，一切言論純粹是個人意見。本人亦無法保證網誌內容的真確性和完整性。無論在任何情況下，不應被視為投資建議，也不應被成要約、招攬、邀請、誘使、建議或推薦。 讀者一切的投資決定以及該投資決定引致的收益或損失，概與本人無關。

筆者不是證監會持牌人士，不會提供亦不是提供任何投資意見。